【韓國生死戀證明真愛存在：無論你變成點都要一生一世】
呢個禮拜開始播 Janis Chan 陳貝兒套《嫁到這世界邊端2》，第一集已經一公升的眼淚😭😭講港女 Chaujai 秋仔.korealife嫁到韓國同Oppa老公猶如《藍色生死戀》既故事。佢地相戀期間問題多多，不過佢老公一樣義無反顧、生死與共。
秋仔7年前確診急性腎衰竭，當時最差狀態曾1年入深切治療部3次，甚至試過突然休克，連佢都唔知自己仲有幾耐命。醫生嗰陣話除非換腎，否則要長期靠儀器同藥吊命。留院期間秋仔喺網上識左韓國oppa，個oppa黎左香港見面仲示埋愛......原本聽到應該好開心咁應承，不過秋仔身體唔好，佢好怕好怕自己有日冇啦啦走左，要oppa自己一個承擔一切。Oppa知道佢既病情都冇放棄，主動要求去韓國醫好，期間一直打氣，陪住佢不離不棄。手術後就算秋仔有嚴重排斥要輸血保命，oppa仍然承諾終身：「我會同你一齊活到一百歲，好開心咁生活！」依家秋仔病情終於穩定左，兩個結埋婚去郊區定居，oppa怕佢撞親會有細菌感染，甚至喺屋企痴滿曬防撞膠，將佢當成小朋友一樣呵護，勁sweet❤️...
See More
Search